Takimet e zhvilluara gjatë mbrëmjes së sotme në Pallatin e Kongreseve midis përfaqësuesve të Parlamentit Evropian dhe tre liderëve kryesor politik në Shqipëri kanë përfunduar pa sukses.
Por megjithë dështimin e negociatave kryeministri Rama dhe kreu i opozitës Basha kanë vijuar takimet e tyre.
Pas takimit me eurodeputeputetin David McAllister në Pallatin e Brigadave, kreu i Partisë Demokratike Lulzim Basha rreth orës 21:05 të mbrëmjes i është drejtuar zyrës së ish-kryeministrit Sali Berisha, ku ka zhvilluar një takim disa minutësh me të.
Ndërkohë, kryeministri Rama ka shkuar menjëherë pas daljes nga Pallati i Kongreseve të takojë aleatin e tij në qeveri, Ilir Metën.
Këto lëvizje vijnë pas dështimit të negociatave. Rama pranoi shtyrjen e zgjedhjeve më 16 korrik, por kurrsesi qeverinë teknike, çka solli largimin e Bashës nga Pallati i Kongreseve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
