Ambasadori i Bashkimit Europian Luigi Soreca zhvilloi sot një takim me ministrin fuqiplotë për adresimin e pasojave të tërmetit të 26 nëntorit. Në takimin ku merrnin pjesë edhe përfaqësues të OKB-së në Shqipëri si dhe të Bankës Botërore, është shtruar nevoja për të nisur sa më shpejt përgatitjet e vlerësimit të nevojave pas fatkeqësisë natyrore.
“Sot takova Ministrin Bledi Çuçi, së bashku me United Nations Albania dhe World Bank, për të nisur sa më shpejt përgatitjet e vlerësimit të nevojave pas fatkeqësisë. Ky është një kusht thelbësor për të planifikuar si duhet përpjekjet e rindërtimit, përfshirë konferencën e donatorëve”, theksoi Soreca.
Dje kryeministri Rama pas takimeve të zhvilluara në kuadër të samitit të NATO-s në Londër, paralajmëroi se kishte marrë zotimin për një konferencë të madhe donatorësh në ndihmë të Shqipërisë së pas tërmetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
