Presidentja e Komisionit Europian, Ursula Von der Lejen së bashku me presidentin e Këshillit Europian, Charles Michel dhe kryeministrin Edi Rama, do të çelin të hënën e ardhshme në Bruksel konferencën ndërkombëtare të Donatorëve për Rindërtimin e Shqipërisë.
Zëdhënësja e Komisionit Europian, Dana Spinant, duke bërë të ditur axhendën Von Der Leyen, tha se gjatë konferencës do të nënshkruhet edhe programi për mbështetjen e Shqipërisë me një vlerë prej 15 milion eurosh.
“Në orën 14:15 Presidentja e Komisionit Europian dhe kryeministri Edi Rama do të nënshkruajnë programin për mbështetjen e Shqipërisë lidhur me rindërtimin me një vlerë prej 15 milionë euro. Presidentja e Komisionit Europian do të hapë konferencën së bashku me kryeministrin Edi Rama dhe presidentin e Këshillit Europian Charles Michel në 14:30. Komisioneri për Zgjerimin Olivér Várhelyi do të hapë dhe mbyllë sesionin e angazhimeve të donatorëve në këtë konferencë, ndërkohë që komisioneri Janez Lenarčič do të bëjë vlerësimin e nevojave lidhur me dëmet e tërmetit. Në përfundim të konferencës së donatorëve, presidentja Von der Leyen dhe kryeministri Edi Rama do të mbajnë një konferencë për shtyp“, tha zëdhënësia.
Kjo konferencë e cila organizohet nga presidentja e KE, ka për qëllim mbështetjen për fazën e rindërtimit të dëmeve të shkaktuara nga tërmeti shkatërrues i 26 nëntorit në Shqipëri.
Pjesë do të marrin edhe Banka Botërore, Fondi Monetar Ndërkombëtar, vendet antare të Bashkimit Europian , vende të Ballkanit Perëndimor, por edhe kryeministri Kanadez Justin Trudeau.
Në përfundim të konferencës, Von der Leyen dhe kryeministri Rama, do të mbajnë një konferencë të përbashkët për shtyp.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
