Një burrë i dënuar me vdekje në shtetin e Karolinës së Jugut, 42-vjeçari Mikal Mahdi, u ekzekutua me pushkatim të premten për vrasjen e James Myers, një oficer policie 56-vjeçar në vitin 2004.
Ai ishte shpallur fajtor edhe për vrasjen e një punonjësi dyqanit.
“Një akt i tmerrshëm që i përket kapitujve më të errët të historisë, jo një shoqërie të civilizuar. Fëmijëria e tij iu vodh nga një baba i sëmurë mendor, i cili e largoi nga shkolla dhe e rriti në paranojë, dhunë dhe abuzim”, tha në një deklaratë një nga avokatët e tij, David Weiss.
Ligji i Karolinës së Jugut e bën karrigen elektrike metodën e paracaktuar të ekzekutimit, por lejon personin e dënuar të zgjedhë midis vdekjes me pushkatim ose injeksionit vdekjeprurës.
Ashtu si një i burgosur tjetër në shtet, Brad Sigmon, i cili u ekzekutua më 7 mars, Mikal Mahdi zgjodhi skuadrën e pushkatimit.
Avokatët e tij i kishin kërkuar falje guvernatorit republikan Henry McMaster pa sukses, diçka që ai nuk e ka bërë kurrë që kur mori detyrën në Karolinën e Jugut.
Që nga fillimi i vitit, vendi ka kryer dymbëdhjetë ekzekutime, tetë me injeksion vdekjeprurës, dy nga thithja e azotit, një dhe dy me pushkatim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
