Pilotit italian, Guido Guidi, do t’i lejohet largimi nga Shqipëria duke i kthyer pasaportën, por duke vënë si garanci një shumë 10 mije euro.
Kjo është kërkesa e prokurorisë në Gjykatën e Krimeve të Rënda, për pilotin italian i cili prej disa muajsh ndodhet në Shqipëri për të qenë në dispozicion të hetimeve.
70-vjeçari Guido Guidi bëri ulje të detyruar me avion në shtator të vitit të kaluar pranë grykëderdhjes së Ishmit në Durrës në një një pistë të improvizuar.
Organi i akuzës urdhëroi bllokimin e pasaportës se pilotit italian deri në përfundim të hetimeve pas dyshimeve për një trafik ndërkombëtar droge.
Ndërkohë organi i akuzës ka pranuar edhe kërkesën e kompanisë italiane për kthimin e avionit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
