Për të trafikuar 2.3 kg heroine drejt Italisë, Laureta Lama, 38 vjeçe, kishte marrë me vete edhe dy fëmijët e saj. Ajo po udhëtonte së bashku më të dashurin drejt Italisë me tragetin e linjës Durrës-Bari.
Edhe Bashkim Hasani, 67 vjeç, u arrestua në flagrancë në dhomën e tragetit ku u gjet droga. Me drogën në valixhe, Lama i ka kaluar të gjitha kontrollet. Por një informacion i marrë në rruge operative ka ngjitur në dhomën e tyre efektivet e antidrogës dhe të policisë kufitare. Destinacioni i drogës ishte Bolonja. Lama dhe Hasani ishin korrierë.
“Tv Klan” mësoi se ata pranuan para policeve se këtë rrugë e kishin bërë edhe herë të tjera, ndërsa fillimisht u shprehen se po shkonin për një vizitë tek një e afërme e 38-vjeçare në Bolonja.
Policia shpalli në kërkim Erlin Çaushin, 29 vjec, nga Mezezi i Tiranës. Droga, sipas hetuesve, do të trafikohej për llogari të tij, ndërsa pritësi i saj nuk dihet ende. Pas ndalimit të korrierëve, policia ushtroi kontroll në shtëpinë e Çaushit në Tiranë ku gjeti këtë pistolete tip “Glok”, ndërsa 29-vjeçari ishte larguar.
Për armën pa leje policia e kryeqytetit arrestoi babain e tij, Kujtim Çaushi. Hetimet për të zbardhur rrjetin e këtij trafiku do të ndiqen nga prokuroria, e cila ka ngritur akuzat për trafik ndërkombëtar të lëndëve narkotike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
