Regjisori Kastriot Çipi tha në "Arnautistan" se Bashkimi Europian sot nuk është ai që mendohej dikur kur shqiptarët brohorisnin: “E duam Shqipërinë si e gjithë Europa”.
Sipas Çipit BE s’është kundër luftës dhe është garantore e rreme e paqes.
BE nuk është Europa për të cilin ne në 1990-ën thirrëm: ‘E duam Shqipërinë si e gjithë Europa’. Vizioni im për Europën ishte një hapësirë demokratike, ku respektoheshin liritë dhe të drejtat e njeriut, ku vota vlente, ku qytetarët të kishin nisma për referendume dhe të ndryshonin realitetin politik me nismën e tyre, një Europë që kërkonte paqen dhe jo luftën, dhe begatinë e popujve në union. Sot BE po tregon që s’është kundër luftës. Nuk është agresori, por është garantori i rremë i paqes. Është nxitësi i luftës në prapaskenë. E vetmja luftë me të cilën mund të mburret komuniteti ndërkombëtar është lufta në Kosovë, sepse ndaloi gjenocidin”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
