Kryeministri Edi Rama ka reaguar për herë të parë në lidhje me protestën në zonën e Astirit në kryeqytet që vijon prej mëse dy javësh, ku qindra banorëve do t’u shemben shtëpitë për shkak të projektit për Unazën e Re.
Përmes një postimi në rrjetin social, "Twitter", kryeministri Edi Rama paralajmëron se do të japë shpjegime në Kuvend për prishjet e banesave në kër zonë.
Kreu i qeverisë, shkruan se qysh nga koha e prishjes së ndërtimeve të shumta në parkun “Rinia" në qendër të kryeqytetit, u deshëm 15 vite që të protestohet me kërkesën për dëmshpërblim për ndërtimet pa leje.
“E dini pse” pyet kryeministri, i cili paralajmëron se qëndrimin e tij të plotë dhe shterues për çështjen e protestave tek ‘Astiri” do ta japë të enjten në sallën e parlamentit.
“Qysh nga prishja e parë masive në Parkun Rinia, u desh të kalonin mbi 15 vjet prishje për interes publik, që të protestohet me kërkesën për dëmshpërblim për ndërtimet pa leje në shtratin e rrugës! E dini pse?! Kjo s’thuhet me një tëeet, meriton një shtjellim të plotë para Kuvendit”,shkruan kryeministri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
