Vaksinat antiCovid për fëmijët nën 5 vjeç nuk janë autorizuar ende, por plani i shpërndarjes së tyre në SHBA tashmë janë në punë. Qeveria federale po përgatit nja 10 milionë doza të formulës Pfizer për moshën nën 5 vjeç, e cila do të jetë e gatshme të dalë sapo Administrata e Ushqimit dhe Barnave të japë autorizimin përfundimtar, thanë burime të njohura me situatën për ABC News.
Dozat e reja prej tre mikrogramësh për këtë popullatë të re do të shpërndahen në shishe me kapak ngjyrë gështenjë, sipas një grafiku paraprak të planifikimit nga Qendrat për Kontrollin dhe Parandalimin e Sëmundjeve në shtete dhe të marrë nga ABC News.
Kjo është për të dalluar atë formulë specifike nga shishet për fëmijët 5 deri në 11 vjeç, të cilat janë të mbuluara me kapak portokalli. Formula për të rriturit dhe adoleshentët më të rritur do të ketë kapak gri. Një zëdhënës i CDC konfirmoi planet e shpërndarjes. Furnizimi i formulës së vaksinës nën 5 vjeç është i bollshëm, mjaftueshëm për të gjithë fëmijët e grupmoshës. Tani, gjithçka që nevojitet është autorizimi i FDA dhe rekomandimi i CDC.
Administrata Biden ka premtuar gjithashtu se do të ketë mjaft gjilpëra, shiringa dhe komplete, për afërsisht 18 milionë fëmijë të moshës gjashtë muajsh deri në 5 vjeç në SHBA, të cilët së shpejti do të kenë të drejtën e vaksinimit. Shtetet do të vendosin urdhrat e tyre këtë javë dhe javën e ardhshme, thanë burimet, kështu që qeveria mund të fillojë të zgjidhë se ku do të dërgohen dozat.
Formula e re për këta fëmijë të vegjël do të jetë e disponueshme në "mijëra vendndodhje në të gjithë vendin, vende që prindërit i njohin dhe u besojnë," tha Zients dhe administrata e Biden po punon "nga afër" me pediatrit, mjekët e familjes, spitalet e fëmijëve dhe farmacitë.
Komiteti i pavarur këshillimor i Administratës së Ushqimit dhe Barnave (VRBPAC) do të takohet dhe do të debatojë publikisht kërkesën e Pfizer për të autorizuar vaksinën e tyre nën 5 vjeç më 15 shkurt, pasi kompania e dorëzoi atë aplikim në fillim të shkurtit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
