Suedia mund të mos jetë bastioni i demokracisë në kuptimin që e percepton pjesa tjetër e botës. Një sondazh i fundit nxori se një pjesë e madhe e rinisë suedeze preferojnë më shumë që vendin ta drejtojnë ekspertët në vend të politikanëve të zgjedhur me votë.
Sondazhi është zhvilluar nga kompania analitike “Kairos Future”, e cila ka pyetur 6 mijë suedezë të moshës 15-25 vjeç. 54% e tyre u përgjigjën se e shohin positive idenë sipas të cilës “për të vendosur se çfarë është më e mira për vendin, duhen lënë të vendosin ekspertët dhe jo parlamentarët e qeveria”.
Åsa Knaggård, një studiuese e lidhjeve mes shkencës dhe politikës në Universitetin e Lundit, thotë se “të rinjtë kanë ndjesinë se politikanët janë të paaftë për të zgjidhur problemet me të cilat ne përballemi”.
Po në të njëjtin sondazh, 51% e të pyeturve thanë se e drejta e votës nuk duhet t’u jepet atyre që “nuk dinë asgjë për politikën”.
Profesori i shkencave politike në Institutin për Studime të Ardhshme, Ludvig Beckman, thotë se kjo gjetje mund të jetë shqetësuese.
"Ata që argumentojnë se njohuria është një parakusht për të drejtën e votimit, tradicionalisht kanë kërkuar të përjashtojnë nga demokracia grupe si punëtorët apo zezakët", thotë Beckman.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
