Marsela Pushani, e cila dyshohet se masakroi me thikë të motrën, mesditën e së shtunës (2 shtator) në banesën ku jetonin në kryeqytet ka dëshmuar në polici se veproi në kushtet e vetëmbrijtujes pasi ajo “Na kërcënoi se do të na vriste”.
Sipas autores së dyshuar e motra ishte e alkoolizuar prej 10 vitesh dhe problematike. Ajo tregoi se në momentin kur ndodhi krimi, viktima Amanda Pushani e kishte kërcënuar me jetë atë dhe nënën e saj.
Nuk kam dashur ta vras motrën, veprova në kushtet e vetëmbrojtjes. Prej më shumë se 10 vitesh ishte e alkoolizuar dhe problematike. Mëngjesin e djeshëm kemi pasur debat pasi i kërkonim që të linte alkoolin. Fillimisht Amanda mori thikën dhe më kërcënoi mua dhe mamanë se do të na vriste. Situata u tensionua dhe veprova në kushtet e vetëmbrojtjes”.
Mësohet se viktima ishte e alkoolizuar dhe shkonte në supermarket të lagjes ku banonte, e kërkonte pije alkoolike, si edhe kishte konflikte me ta. Vetë banorët e zonës tregojnë jashtë kamerës se shpeshherë dëgjonin zhurma nga kati i parë i pallatit, në të cilin jetonin motrat Pushani, sëbashku me të ëmën e tyre.
Policia ka referuar materialet në prokurorinë e Tiranës për veprën penale, “Vrasje për shkak të marrëdhënieve familjare”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
