Rusia nuk është e interesuar për një ndërprerje të plotë të furnizimit me gaz për vendet e Europës, pasi Moska garanton kryesisht sigurinë energjetike të Bashkimin Europian.
Kështu u tha gazetarëve të hënën zëdhënësi i Presidentit rus, Vladimir Putin, Dmitry Peskov, raporton Tass.
“Rusia nuk është e interesuar për një gjë të tillë”, tha ai, duke komentuar deklaratën e Presidentes së Komisionit Europian Ursula von der Leyen se përballë furnizimeve të reduktuara të gazit nga Rusia, Europa duhet të përgatitet për ndërprerjen e plotë të tij.
Rusia është një furnizues i përgjegjshëm i gazit dhe pavarësisht se çfarë thotë dikush në Komisionin Europian, në kryeqytetet europiane dhe në Shtetet e Bashkuara të Amerikës, Rusia ishte, është dhe do të vazhdojë të jetë vendi që garanton në masë të madhe sigurinë energjetike të Europës.
Nëse Europa vazhdon në rrugën e saj të vendosjes totalisht së kufizimeve dhe sanksioneve të pamatura, atëherë situata do të jetë ndryshe. Por Rusia nuk është e interesuar për një gjë të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
