Kryetari i këshilltarëve demokratë të Bashkisë së Tiranës, Kreshnik Çollaku, thotë se opozita ka zgjedhur të jetë në krah të njerëzve dhe jo të bëjë politikë me përmbytjet.
“Nuk ka gjë më të lehtë për një opozitë sesa të bëjë akuzuesen në një situatë të tillë, por kemi zgjedhur të jemi me qytetarët, të mbështesim efektivët e ushtrisë, policisë, mjekët dhe këdo që është në shërbim të njerëzve”, tha ai.
Çollaku akuzoi kryeministrin dhe kryebashkiakun e Tiranës se po bëjnë politikë me përmbytjet, në vend që të menaxhojnë situatën për të cilën janë përgjegjës.
“E keqja duket se nuk ka kaluar. Të ndihmojme njëri-tjetrin. Llogaritë me pushtetin do t’i bëjmë shpejt”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
