Obaida Arnaout, zëdhënësi i ri i qeverisë së Sirisë, thotë se "do të krijohet një komitet gjyqësor dhe i të drejtave të njeriut për të shqyrtuar kushtetutën dhe më pas për të futur ndryshime".
Arnaout i tha agjencisë së lajmeve AFP se një takim do të mbahej të martën "midis ministrave të Qeverisë së Shpëtimit dhe ish-ministrave" të administratës së al-Asad për të kryer transferimin e pushtetit.
“Kjo periudhë kalimtare do të zgjasë tre muaj,” shtoi ai. “Prioriteti ynë është ruajtja dhe mbrojtja e institucioneve.”
Duke folur në selinë qendrore të televizionit shtetëror, tashmë të kapur nga autoritetet e reja rebele, Arnaout u zotua se do të krijonin "shtetin e ligjit".
“Të gjithë ata që kryen krime kundër popullit sirian do të gjykohen në përputhje me ligjin”, shtoi ai.
I pyetur për liritë fetare dhe personale, ai tha se "ne respektojmë diversitetin fetar dhe kulturor në Siri", duke shtuar se ato do të mbeten të pandryshuara.
Ndërkohë Kryeministri i ri i përkohshëm i Sirisë është zotuar të mbrojë të drejtat e pakicave dhe të sjellë sigurinë në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
