Mbyllja e burgut ushtarak të Guantanamos mbetet ende një prioritet për sekretarin e Mbrojtjes të SHBA-së, Ashton Carter, njoftoi zëdhënësi i Pentagonit, Peter Cook duke pranuar se ka mbetur shumë pak kohë për ta realizuar këtë.
“Natyrisht ne kemi një ndryshim në udhëheqjen e ardhshme”, tha Cook.
“Ne kishim zgjedhjet presidenciale dhe kemi një dritare të kufizuar kohe, por sigurisht sekretari i Mbrojtjes është i hapur të zhvillojë një bisedë me anëtarët e Kongresit, të cilët janë lojtarët kryesorë në të gjitha këto”, shtoi ai.
Presidenti amerikan, Barack Obama, i cili ka premtuar të mbyllë burgun tetë vjet më parë, ka nisur një përpjekje të re në muajin shkurt. Por, republikanët, të cilët dominojnë Kongresin, kanë kundërshtuar çdo veprim për të sjellë të burgosurit e mbetur në tokën amerikane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
