Përmbytje në Greqi, e moshuara humb jetën pasi u bllokua në shtëpi

Moti i keq ka përfshirë rajonin duke shkaktuar përmbytje. Por situata paraqitet problematike në Greqi, ku u shënua dhe viktima e parë nga përmbytjet.

Bëhet fjalë për një grua të moshuar, e cila mbeti e bllokuar në banesë, pasi uji u fut brenda.

Ndonëse forcat e policisë shkuan në banesën e saj, duke zbritur me litarë, fatkeqësisht e moshuara kishte ndërruar jetë.

Mediat greke raportojnë se disa persona kanë kërkuar ndihmë nga autoritetet, ndërkohë që shumë banesa ndodhen në ujë. Siç shihet nga pamjet, situata paraqitet dramatike, ku demet e shkaktuara nga ujërat e rrëmbyeshëm janë të mëdha.