Delfí Geli, presidenti i Gironas, i ka bërë me dije Real Madridit se janë të sigurt në Katalonjë
Ndeshje mes Gironas dhe Real Madridit është në program që të luhet të dielën nga ora 16:15, në kuadër të xhiros së dhjetë të La Ligës.
Por, sipas të përditshmes sportive madrilene, Marca, kjo ndeshje mund të mos zhvillohet për arsye sigurie.
Por, Presidenti i Gironas, Delfí Geli, i ka bërë me dije kampionit të La Ligës se janë të sigurt në Katalonjë.
“Ne do të luajmë kundër kampionit të fuqi dhe do të jetë një ditë e madhe e futbollit. Kjo është një ndeshje futbolli dhe jam i bindur se nuk do të ndodhë asgjë”, ka deklaruar Geli.
“Real Madrid do të jetë i mirëpritur dhe i respektuar. Ka shumë njerëz që shkojnë nëpër rrugët e Gironas me fanellën e Madridit. Siguria do të jetë si në çdo ndeshje tjetër”, ka theksuar ai.
Girona është klub i Katalonjës, ku situata nuk është e mirë që nga referendumi për shpalljen e pavarësisë nga Spanja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
