Kreu i PD-së, Lulzim Basha, thotë se përjashtimi i deputetit Flamur Noka nga kryetari Ruçi prej seancës parlamentare është në shkelje të rregullores së Kuvendit. Basha tha se kryeministri Rama po përdor kryeparlamentarin Ruçi për t’i mbyllur gojën opozitës.
“Edi Rama ka frikë nga përballja me të vërtetën dhe e vërteta është se ai është në aleancë me krimin. Ne sot jemi gati ta ballafaqojmë me faktet që tregojnë lidhjet e tij personale me krimin e organizuar. Lus çdo media dhe gazetar të ndershëm të thotë të vërtetën. Gramoz Ruçi shkeli rregulloren me përjashtimin e Nokës, i cili kërkoi zbatimin e rregullores. Gjatë kohës që zoti Berisha fliste, Edi Rama përdor fjalor të ndyrë, jo atë që raportoni ju, por fjalë që unë nuk mund t’i përsëris këtu. Rama përdori një fjalor rrugaçëror. Kjo është e vërteta e kërkesës së Nokës”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
