Mbi 17 mijë të vdekur nga tërmeti mes Turqisë dhe Sirisë, Fitch: Dëmet ekonomike mund të kalojnë 4 miliardë dollarë

Humbjet ekonomike të shkaktuara nga tërmeti shkatërrues që goditi Turqinë dhe Sirinë mund të kalojnë 4 miliardë dollarë.

Kështu ka deklaruar agjencia e vlerësimit Fitch.

Humbjet ekonomike janë të vështira për t'u vlerësuar ndërsa situata evoluon, por ato duket se do të kalojnë 2 miliardë dollarë dhe mund të arrijnë deri në 4 miliardë dollarë ose më shumë.

Numri i viktimave që kanë humbur jetën nga tërmetet ka arritur në 17 500. Kjo shifër bëhet e ditur nga autoritetet ndërsa shpresat për gjetjen e të mbijetuarve nën rrënoja nisin të shuhen. 

Zyrtarët dhe mjekët thanë se 14,351 njerëz kishin vdekur në Turqi dhe 3,162 në Siri nga tërmeti me magnitudë 7,8 ballë të së hënës.