Filmi i regjisorit Robert Budina do të shfaqet premierë botërore në edicionin e 22-të të Festivalit të Filmit “Black Nights”, në Talin të Estonisë. Në film interpretojnë disa nga aktorët më të mirë shqiptarë në vend dhe në botë.
Për Budinën “Përzgjedhja e filmit tonë në një festival të tillë, që i afrohet shumë veriut të Evropës dhe i largohet vendeve mesdhetare është një risi, që ka filluar që vjet me filmin ‘Martesa’ të Blerta Zeqirit”. “Them që është një sukses i jashtëzakonshëm, një hap cilësor drejt festivaleve akoma më të mëdha”.
“Black Nights Film Festival” është një nga 8 festivalet më të mira të filmit në Europë dhe 15 më të mirët në botë, për të cilin shkruajnë revistat më të mëdha të kinemasë botërore, si: “Variety”, “Hollywood Reporter” apo “Indewire”. Vitet e fundit Tallin ka tërhequr ajkën e industrisë kinematografike botërore. Në këtë festival janë të pranishëm distributorët më të mëdhenj të kinemasë dhe televizionit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
