Serbia i ka dorëzuar një notë proteste ambasadorit të Shqipërisë në Beograd lidhur me “deklaratat gjatë mbledhjes së përbashkët të qeverive të Shqipërisë dhe Kosovës”. Ministria e Jashtme serbe ka ftuar sot ambasadorin e Shqipërisë në Serbi, Ilir Boçkën.
“Deklaratat që nënkuptojnë bashkimin e Shqipërisë dhe Kosovës, si dhe krijimin e Shqipërisë së Madhe paraqesin arsye për shqetësim, si të Sebisë, ashtu edhe shteteve tjera të rajonit, të vendosura për ruajtjen e stabilitetit dhe intensifikimit të bashkëpunimit në rajon”, thuhet në njoftimin e Ministrisë së Jashtme të Serbisë.
Nota e protestës që Serbia i dërgon Tiranës pason një të ngjashme që iu dorëzua nga ditë më parë ambasadorit serb në Tiranë, pas deklaratave të ministrit të Mbrojtjes së Serbisë, Aleksandar Vullin, lidhur me mbledhjen e përbashkët të dy qeverive: asaj të Shqipërisë dhe të Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
