Policia e kryeqytetit ka dhënë detaje të reja në lidhje me laboratorin e drogës të gjetur këtë të premte në zonën e Shkozës.
Sipas njoftimit zyrtar, në pranga ka përfunduar shtetasi Hazbi Pardhoku, pronari i ambienteve që ndodheshin pranë ish uzinës Traktor.
Pardhoku e justifikonte laboratorin e tij të drogës duke e “shitur” si biznes të prodhimit të plastikës.
Laboratori ishte në një tunel i cili është përshtatur me llampa për rritjen e bimeve narkotike.
Nga kontrolli i imtësishëm i zonës ku ishte informacioni u konstatua një ambjent i mbyllur në brendësi të tunelit i përshtatur për kultivimin e bimëve narkotike.
Këto ambjente ishin në pronësi të shtetasit Hazbi Pardhokut.
Sipas policisë në këtë ambjent janë gjetur dhe sekuestruar një sasi e konsiderueshme kubikësh dhe lëndë e dyshuar narkotike e futur në qese (ende e pa peshuar).
Nga shërbimet policore është bërë shoqërimi i disa shtetasve dhe po vijojnë veprimet proçeduriale.
Policia ndodhet në vendngjarje dhe po ushtron kontrolle në banesat e shtetasve të dyshuar si dhe po punon për dokumentimin e plotë të saj dhe vënien para përgjegjësisë të autorëve të kësaj ngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
