Dentisti Gersi Vërçani tha në studion e emisionit “Zgjohu me MCN” se nofulla e dalë përpara duhet të trajtohet me doemos në moshat e hershme.
Po ashtu Vërçani tha se shumë prindër nuk janë të informuar se dhëmballa e para e përhershme nis të dalë në moshën 6-vjeçare dhe se për këtë arsye nuk bëjnë kujdesin e duhur duke krijuar devijime të buzëqeshjes.
E mira do të ishte të trajtoheshin në mosha të hershme. Në moshat më të vona mund të bëjmë vetëm rregullim dentar, por pjesa e rritjes së kockave ka përfunduar në moshën 18-vjeçare.
Në moshën 6-vjecare del dhëmballa e parë e përhershme. Prindërit duhet ta dinë këtë . Shohim në praktikën klinike që prindërit nuk janë të informuar shpesh i quajnë si dhëmbët e qumështit nuk kanë kujdesin e duhur dhe nuk trajtohen dhe shkojnë deri në heqje. Shohim pacientë që i kanë hequr këtë dhëmballë dhe krijohet devijim i buzëqeshjes në njërin nga krahët.
Pjesa e nofullës së dalë përpara duhet me doemos të trajtohet në moshat e hershme sepse për këto mosha ne kemi aparate funksionale. Janë disa lloje aparatesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
