Trebicka: Ne e shpërdorojmë ujin, nuk kemi kulturën e administrimit dhe kursimit (VIDEO)

<p>Tirana dhe asnjë qytet tjetër i Shqipërisë nuk kanë 24 orë ujë të pijshëm. Artan Trebicka, biolog, tha në studion e MCN&nbsp; se një ndër problemet më të mëdha që duhet të marrë zgjidhje është shpërdorimi i ujit dhe degradimi i rrjetit shpërndarës.</p> <blockquote> <p><em>Është çështje administrimi, por edhe çështje edukimi. Ne e shpërdorojmë ujin, nuk kemi kulturën e administrimit dhe kursimit të ujit. P.sh te pallati im rridhte uji, erdhi ujësjellësi, 1 punonte, 10 rrinin dhe përfundimisht nuk u zgjidh. Duhet të kemi kulturën që gjërat t’i bëjmë jo sot për sot, por sot për 20 vjet. Në rrjet rreth 50% e ujit humbet. Ujësjellësi i Selitës ka turbinë për energji elektrike. Pse nuk vënë një turbinë në Bovillë që me paratë që dalin nga shitja e energjisë elektrike të rivitalizohet rrjeti. </em></p> </blockquote> <blockquote> <p><em>Një pompë për gjithë shkallën. Vihen 10 pompa, kur mjafton një. Kemi një shpërdorim të madh. Para se të shkosh te FSH, ka një çarje ku rrjedh ujë prej 4 muajsh. Kalojnë ndonjëherë aty ata që marrin rrogën për atë punë? Unë kam kaluar aty dhe nuk kam denoncuar gjë. Por ata që kanë dyqanet aty, nuk e di si e durojnë erën e keqe. Aq më keq nëse aty kalon një tub i ujit të pijshëm. </em></p> </blockquote> <p>Trebicka u ndal më te keqmenaxhimi i ujërave të zeza. &nbsp;</p> <blockquote> <p><em>Në Tiranë ka një skandal të madh. Ujërat e zeza janë të hapura, janë në Lanë. Lana është një park, ku nuk shkon askush. Kjo sepse uji është i ndotur. Po të ishte me ujë të pastër, nuk do të shkonte njeri te liqeni. &nbsp;</em></p> <p><em>Duhet kontroll mbi depozitat. Ato janë të pakontrolluara. Janë grumbulluar aty mbeturina, janë fermentuar. </em></p> </blockquote> <iframe width="560" height="315" src="https://www.youtube.com/embed/LrHzNiYcIjk?si=MJf4ampala8fCwO-" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>