Një postim aksidental në rrjetet sociale ekspozoi instruksionet që i jepen medias kineze për mbulimin e krizës Rusi-Ukrainë.
Horizon News, një degë e Beijing News, në pronësi të Partisë Komuniste, i shpërndau padashje këto instruksione në rrjetin Weibo.
Në postim thuhet se asnjë lajm që nuk shkon në favor të Rusisë nuk do të publikohet, raporton Washington Post.
E njëjta gjë vlen për lajmet që mbajnë anën e Perëndimit.
Kina e ka forcuar aleancën me Rusinë gjatë viteve të fundit. Dy vendet i kanë intensifikuar marrëdhëniet ekonomike.
Tregtia mes Kinës dhe Rusisë është rritur nga 10.7 miliardë në 2004, në 140 miliardë në 2021.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
