Udhëheqësi konservator i Gjermanisë, Armin Laschet, ka thënë se është gati të japë dorëheqjen si kreu i Unionit Kristian Demokratik (CDU) më pak se dy javë pas zgjedhjeve.
60-vjeçari tha se do të kërkonte një kongres special të CDU për të përcaktuar "të ardhmen dhe riorganizimin" e udhëheqjes së partisë.
Laschet ka marrë përgjegjësinë personale për rezultatin më të keq elektoral të konservatorëve (24,1%) në historinë moderne gjermane.
Njoftimi, të cilin shumë e prisnin, erdhi pasi Social Demokratët të cilët përfunduan të parët në votimin e 26 shtatorit vendosën të vazhdojnë bisedimet paraprake javën e ardhshme me të Gjelbrit dhe FDP-në e tregut të lirë me qëllim formimin e një partie tre-palëshe koalicioni.
Sipas gazetës Bild, kongresi i jashtëzakonshëm i CDU -së mund të mbahet në dyjavorin e parë të dhjetorit në Dresden.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
