Gazetari Besmir Pula raportoi për MCN Live, detaje lidhur me gjendjen e avokatit Sokol Mengjesi i cili sot ndodhet në ditën e gjashtë e futjes në intubim nga ana e mjekëve në Spitalin e Traumës, pas goditjeve të pësuara.
Pula tha se gjendja e avokatit mbetet e njëjtë, e rënduar, duke vijuar në intubim, në reanimacion.
Burime nga grupi i mjekëve që ndodhen në sallën e reanimacionit me avokatin më kanë bërë me dije se sapo ka përfunduar procedura e skanerit dhe ka përmirësime nga skaneri i kaluar, tashmë do të nisin edhe me zgjimin gradual të tij. Skaneri ka dalë në konkluzionin që ka përmirësime, por gjendja vijon të jetë e rëndë. .
Avokati ka dy fraktura kockore në kokë dhe dëmtime në pjesën e përparme të trurit, po ashtu ka një hemorragji.
Mjekët e përcaktojnë gjendjen aktuale si një komë cerebrale. Pozitiv sipas mjekëve është fakti që enjtja nuk ka pasur përparim të mëtejshëm.
Mosha e re e avokatit dhe mungesa e sëmundjeve bashkëshoqëruese mund të ndikojnë për mirë për gjendjen e avokatit.
Lidhur me hetimet për autorët e dyshuar, Pula tha se vijojnë kërkimet për tre personat e shpallur në kërkim, ndërkohë që të shtunën gjykata dha masat e sigurisë “arrest me burg” për porositësin e dhunës ndaj avokatit, Dritan Nano dhe të vetëdorëzuarin Dorian Alia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
