Në studion e lajmeve, analisti Ben Andoni u shpreh se qeveria Rama i ka marrë sinjalet për mundësinë ë ndikimit të zhvillimeve të brendshme në procesin e integrimit.
Leximi është i thjeshtë. Zoti Rama ka kohë që ka marrë mesazhe që nuk mund ta tolerojnë më Shqipërinë. Shqipëria ka bërë rrugë të paimagjinueshme në hapjen e kapitujve. Shqipëria ka marrë kritika të mëdha. Zoti Rama ka marrë kritika. Përfaqësia gjermane ka shmangur në shumë momente kontaktet dhe ka kontaktuar me SPAK e BKH. Njerëz që janë afër pushtetit i dinë shumë mirë se ç’do të thonë këto lëvizje.
Këto simptoma nëse shtohen do të jenë pengesa për integrimin e vendit. Këto mund të sjellin vonim të fondeve, të proceseve të ndryshme. Prandaj qeveria duhet të ketë kujdes që duke krijuar këtë precedent të mos na lodhë.
Lidhur me vetë PS-në, Andoni tha se konformizmi e ka dëmtuar atë, duke zbehur edhe kontributin e shumë emrave.
Koha jonë është kohë e konformizimit politik. Ky lloj konformizmi që ka përfshirë edhe këtë pjesë socialiste idealiste, që janë pak, i ka bërë që jo të identifikohen me këtë pjesë që po lë shumë për të dëshiruar për drejtimin, por i ka bërë njerëzit që t’u harrojnë edhe kontributin e tyre të madh në PS. Jo më kot zoti Malaj e nxjerr si shqetësim të vazhdueshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
