Gazetarët zhvilluan sot një protestë para Kuvendit, në një kohë kur në Parlament po mbahet seanca parlamentare. Gazetari Isa Myzyraj denoncoi dërgimin e SMS-ve në telefonët e gazetarëve, ndërsa e konsideroi sjelljen e kryeministrit ndaj reporterëve si të papranueshme.
"Mesazhet që u janë dërguar gazetarëve në telefonat e tyre personal janë një mënyrë flagrante për të treguar se politikanët janë të aftë për të bërë gjithçka, edhe të indimdojnë, kërcënojnë dhe shantazhojnë drejtpërdrejt gazetarët. Sjelljet e kryeministrit me gazetarët janë të papranueshme”.
Ndërkaq, gazetarja Ola Xama kërkoi që të hiqen kasetat e gatshme, t’u kthehet përgjigje kërkesave për koment të gazetarëve ndaj institucioneve, si dhe të ndalen sulmet dhe dezinformatat.
"Sot dua të solidarizohem me gjithë kolegët e mi, ku çdo ditë e më tepër të bësh gazetari në Shqipëri është me të vërtetë e vështirë. U bëj thirrje politikanëve dhe zyrtarëve që të jenë më tolerantë ndaj medias dhe të respektojnë lirinë e saj. Shenjat e para janë të hiqen kasetat e gatshme, të bëhen konferencat për shtyp, t’u kthejnë përgjigje kërkesave për koment të gazetarëve ndaj institucioneve, të ndalin sulmet dhe dezinformatat”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
