Fotografitë më të mira të ushqimit të mara nëpër botë

Imazhi është thjesht magjepsës dhe një ‘mashtrues’ i thjeshtë. Ndërsa kapet vizualisht, imazhi stimulon të gjitha shqisat.

Fotografja indiane Debdatta Chakraborty kapi foton që organizatorët e konkursit e përshkruajnë si një "imazh intim plot ngrohtësi dhe humanizëm".

E quajtur "Kebabiyana", ajo ka fituar çmimin e përgjithshëm të ‘Fotografes së Vitit të Ushqimit’ Pink Lady 2022, e cila feston artin e bukur të fotografisë dhe ushqimit.

Fituesit u shpallën në një ceremoni që u transmetua drejtpërdrejt në YouTube të martën, më 26 prill. Caroline Kenyon, drejtoresha dhe themeluesja e çmimeve, tha në YouTube se është viti i 11-të i konkursit.

"Kebabiyana" është marrë në Khayam Chowk, një rrugë në Srinagar, e cila është kryeqyteti veror i Jammu dhe Kashmir në Indinë veriore të largët.

Një njoftim lajmesh nga Pink Lady e përshkruan rrugën si "të zakonshme" gjatë ditës, por ajo "shndërrohet në një qendër ushqimore të zhurmshme gjatë natës, ndërsa shitësit ndezin furrat me qymyr dhe mbushin ajrin me aromën e tymosur të shijeve të pjekura në skarë."

Pink Lady tha se mijëra aplikime u dorëzuan nga më shumë se 60 vende. Fotografja e njohur i ushqimit David Loftus kryesoi panelin e gjykimit. Ishin 23 kategori dhe 38 imazhe fituese.