Gazetari Lorenc Rabeta thotë se koncesioni i sistemit të pagesave nuk është i nevojshëm. Në studion e emisionit MCN Economy, Rabeta tha se aktualisht sistemi funksionon shumë mirë.
Dua ta filloj me konceptin, që sistemi shqiptar i pagesave është krenaria e Bankës së Shqipërisë. E kemi sot në një pikë shumë të mirë. Kemi një drejtori të sistemit të pagesave që funksionon shumë mirë. Është ndërtuar mirë dhe funksionon shumë mirë. I bëjmë shumë shpejt pagesat në euro. Kemi një sistem mjaft të mirë që kanalizon një numër të madh pagesash. Funksionon shumë mirë Drejtoria e Sistemit të Pagesave. Në komitet ka përfaqësues të të gjitha institucioneve.
Sipas tij, ligji për pagesat elektronike ka nevojë për ndryshim.
Aksesi te të gjitha këto, i gjithë ky volum transaksionesh që kalon përmes sistemit të pagesave do të menaxhohej përmes risqeve. Kur dolën sheshit të dhënat, u mësuan të gjitha. Po ju keni një koleg i cili ka një projekt që me ID e tij kërkon informacion në institucionet ligjzbatuese. Nuk dimë akoma nëse nga sulmi ndaj AKSHIT u cenuan bizneset. Unë shoh një problem të madh me legjislacionin përreth pagesave elektronike. Besoj që edhe në të ardhmen do të kemi një ndryshim ligjesh.
Rabeta theksoi se dhënia e këtij shërbimi një kompanie koncesionare hap mundësinë e pastrimit të parave.
Është një sistem që funksionon mirë dhe ne po i ngjisim një hallkë që mua më duket si mish i huaj. Kemi një komitet sigurie. Banka e Shqipërisë mbledh disa prej zyrtarëve më të specializuar në Shqipëri. E shoh të vështirë.
Mund të ketë dublim të kësaj që sapo thashë më sipër. Kjo drejtori është një garantuese e parandalimit të pastrimit të parave. Në rast të një koncesioni mund të hapet një kanal që mund ta bëjë të mundur këtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
