Ministria e Shëndetësisë së Kosovës ka pranuar të martën 4680 doza të vaksinës Pfizer/Biontech kundër COVID-19, pjesë e parë e 95.000 dozave të cilat Bashkimi Evropian i ka ndarë për Kosovën në kuadër të mbështetjes së vendeve të Ballkanit Perëndimor në vaksinimin kundër COVID-19.
Ndërkaq sot do të rifillojë vaksinimi i punëtorëve shëndetësorë nga e tërë Kosova.
Procesi i vaksinimit do të vazhdojë të zhvillohet në sallën “1 Tetori”, në Prishtinë, duke filluar nga ora 10:00
Sipas njoftimit të MSH-së, “me rekomandim të Komitetit për vaksinim kundër Coronavirusit, këto doza të vaksinave do të përdoren për personelin shëndetësor, të cilët nuk kanë mundur të vaksinohen në fazën e parë të vaksinimit”.
Një pjesë e madhe e punëtorëve shëndetësorë kishin refuzuar të vaksinohen me vaksinën Astra Zeneca, që më herët erdhi në Kosovë fal programit COVAX.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
