Diskutimet për bashkëqeverisje, kandidati për deputet i PD, Ivi Kaso i ka quajtur diversion nga ana e kryeministrit për të krijuar përçarje tek opozita dhe për të motivuar mbështetësit e vet se do vazhdojnë.
I ftuar në emisionin “Arnautistan” në MCN TV, Kaso theksoi edhe një herë se nuk do të ketë bashkëqeverisje me PS.
“Është një nga diversionet e kryeministrit. Ne e kemi thënë dhe vazhdojmë ta themi. Kjo është mënyra se si kryeministri motivon të vetët, është më shumë diversion për të krijuar përçarje edhe tek opozita që është e bashkuar. Edhe Basha e ka theksuar që nuk do të ketë bashkëqeverisje me PS. Do të jemi dëshmitarë kur numrat e 25 prillit do ti japin të drejtë pretendimit tonë që shqiptarët do të votojnë masivisht për ndryshimin që do të shuaj çfarëdolloj iluzioni”, tha Kaso.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
