Kandidati i koalicionit “Shtëpia e Lirisë” në bashkinë Vorë, Lulzim Vrana, reagoi pas deklaratave të bëra sot nga ambasadorja amerikane Yuri Kim. Ai u shpreh në edicionin e lajmeve në MCN TV se Berisha është një shtetas me të drejta kushtetuese në Shqipëri dhe deklarata e ambasadores s’do ndikojë në zgjedhje.
Mendoj që është për elektoratin që të zgjedhë njeriun që duhet. Nuk kam pasur kontakte të drejtpërdrejta dhe ambasadën amerikane. Më 6 mars do zgjedhim alternativën e qeverisjes së bashkisë Vorë. Ne do t’i japim qytetarëve qytetari nëpërmjet institucionit si bashki. Kam marrëdhënie me qytetarët. Berisha është njeriu me të drejta kushtetuese. Do ishte më mirë të mos ndërhynte (Yuri Kim). Sepse të gjitha bashkitë janë të Partisë Socialiste. Nuk është e drejtë ndërhyrja sepse ne kemi bërë një pakt me qytetarët për të fituar bashkinë. Unë besoj se Vorën do ta fitojë ‘Shtëpia e Lirisë’ dhe kjo ndërhyrje nuk do influencojë te qytetarët, por ndërhyrja s’ishte e mirë sa i përket rrethanave. Ne jemi në një kohë të nxehtë për sa i përket votimeve, se janë më pak së dy javë. Ndërhyrjet, jo se do na trembin por s’janë të drejta”, tha Vrana.
Më herët përmes një postimi në “Twitter” Kim pyeti kandidatët e Berishës, “nëse mbështetësi juaj kryesor është shpallur “non grata” për korrupsion, çfarë po u premtoni votuesve?"
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
