Kedhi: ACI, një institut për të promovuar vlerat e të djathtës (VIDEO)

<p>Nikola Kedhi, drejtor i Instituti Konservator Shqiptar, ACI, shpjegoi në studion e MCN TV fokusin e punës së tij. Kedhi tha se themelimi i këtij thin-tanku lindi nga dëshira e mirë për të promovuar vlerat e së djathtës.</p> <blockquote> <p><em>Në Shqipëri nuk ka pasur një think-tank të mirëfilltë. Ne jemi institut konservator. Qëllimi është për të ndihmuar qendrën e djathtë, veçanërisht Partinë Demokratike. E djathta shqiptare ka një histori. Të gjitha punët e mira që janë bërë në këtë vend janë bërë prej saj. E djathta shqiptare ka kaluar sfida, sidomos 3 vitet e fundit. Shoh që ka një vullnet të mirë të të gjitha palëve për të shkuar të njerëzit. &nbsp;</em></p> <p><em>PD në dekadën e fundit doli nga shinat e së djathtës. Sidomos gjatë drejtimit të zotit Basha. Me rikthimin e zotit Berisha pati një vullnet për të kthyer vlerat konservatore në parti. Nisi me këtë vullnet të mirë për ta futur PD në shinat e së djathtës. Këtu vjen dhe ndihma jonë për të promovuar vlerat e së djathtës. </em></p> <p><em>E majta i grupon njerëzit, në mënyrë që ta heqë vëmendjen nga individi. E majta thotë, ne do rrisim taksat që t’i paguajmë çdo gjë individit. E djathta sheh individin dhe potencialin e tij për të çuar shoqërinë përpara. Sa më i vogël të jetë shteti, aq më mirë funksionon tregu privat. </em></p> </blockquote> <p>Kedhi tha se instituti do të merret me politikë dhe prodhon politikë. Ai u bëri thirrje demokratëve që duan të marrin sërish shtëpinë e tyre, që të bëjnë betejën e tyre.</p> <blockquote> <p><em>E djathta është më mirë seç ishte para një viti. Mendoj se sot gjendet në një situatë të tillë: ka kaluar 10 vite nën një sulm të pashembullt nga brenda dhe nga jashtë. Janë përpjekur ta shkatërrojnë atë dhe atë çfarë ajo përfaqëson. PD është e lidhur pazgjidhshmërisht me simbolin e antikomunizmit. </em></p> <p><em>Të përndjekurit dhe pronarët që u persekutuan për gati 50 vjet nuk duhet ta lënë vendin bosh. &nbsp;</em></p> </blockquote> <iframe width="560" height="315" src="https://www.youtube.com/embed/PMDLJ2PAPRw?si=63y4HFa_U6J1_IJ9" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>