Kreu i grupit parlamentar të LSI-së, Petrit Vasili, ka reaguar me një postim në rrjetet sociale në lidhje me votimin dje në Parlament, ku maxhoranca hodhi poshtë kërkesën e prokurorisë për arrestimin e Saimir Tahirit. Vasili thotë se krimi fitoi kryeministrin dhe shqiptarët e humbën.
“Krimi fitoi publikisht kryeministrin, shqiptarët pa kryeministër. Kriminalizim i qeverisjes u vulos me votimin e djeshëm të maxhorancës së Rilindjes. Ky votim është një faqe e zeze e pashlyeshme moralisht dhe politikisht për kryeministrin, që ka derdhur tonelata të tëra morali, hipokrizie dhe dëngla puritanizmi në publik e kudo gjetkë. Sot edhe shqiptari më indiferent e ka shumë të qartë se në krye të qeverisë është një hipokrit pa principe, hyzmeqar të krimit, të shkretuar nga idetë dhe të boshatisur nga morali dhe integriteti njerëzor. Dje krimi fitoi publikisht një mik kryeministër, qytetarët humbën përfundimisht kryeministrin, ndërsa media zbuloi sharlatanin arrogant të trembur nga fjala e lirë”, shkruan Vasili.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
