Danimarka ka zbuluar planet për të ndaluar shitjen e cigareve dhe produkteve të nikotinës për çdo shtetas të lindur pas vitit 2010.
Masa synon të parandalojë gjeneratën e ardhshme të danezëve që të prekin çdo formë duhani, tha në një konferencë për shtyp Ministri i Shëndetësisë Magnus Heunicke.
"Nëse është e nevojshme, ne jemi gati të ndalojmë shitjet për këtë gjeneratë [të lindur në 2010] duke rritur gradualisht kufirin e moshës së blerjes," tha Heunicke.
Sipas rregullave aktuale, shtetasve danezë nën moshën 18 vjeç u ndalohet blerja e duhanit ose pirja e cigareve elektronike.
Por rreth 31% e njerëzve të moshës 15-29 vjeç ende pinë duhan, tha Heunicke.
Ministri i Shëndetësisë shtoi se duhani është shkaku kryesor i kancerit në vendin nordik, duke shkaktuar 13,600 vdekje në vit.
Sipas një sondazhi nga Shoqata Daneze e Kancerit, 64% e të anketuarve janë në favor të planit për të ndaluar shitjen e cigareve për ata që kanë lindur pas 2010. Midis 18-34-vjeçarëve, 67% e të anketuarve ishin pro .
Në dhjetor, Zelanda e Re njoftoi se do të ndalonte gradualisht shitjen e duhanit nga viti 2027 duke rritur moshën në të cilën mund të blihet.
Në Danimarkë, qeveria socialdemokrate synon gjithashtu të trajtojë konsumimin e alkoolit tek të rinjtë.
Autoritetet planifikojnë të rrisin kufirin e moshës për blerjen e pijeve alkoolike nga 16 në 18 për të gjitha pijet që përmbajnë më pak se 16.5% alkool.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
