Covid në Itali/ 11.831 raste të reja dhe 364 viktima në 24 orë

Italia ka regjistruar 11.831 raste të reja me Covid nga 67.174 tamponë të kryer vetëm në 24 orët e fundit. 

364 persona kanë humbur jetën si pasojë e infektimit me koronavirus duke e çuar numrin e viktimave që prej fillimit të pandemisë në 74.985. 

Rajoni më i goditur vijon të mbetet Veneto, me 3.165 të infektuar në 24 orët e fundit, duke u ndjekur nga Emilia-Romagna me 2.035 të infektuar. 

Deri më tani në shtetin fqinj janë vaksinuar 46.506 qytetarë,të cilët kanë marrë dozën e parë të vaksinës.