Rregullatori shëndetësor i Britanisë ka miratuar vaksinën Moderna kundër Covid për fëmijët e moshës 12 deri në 17 vjeç, disa javë pasi vaksinës Pfizer iu dha drita jeshile për të njëjtin grup.
Njoftimi nga Agjencia Rregullatore e Produkteve të Mjekimit dhe Shëndetësisë (MHRA) vjen pasi u njoftua se 16 dhe 17-vjeçarëve në Angli do t'u ofrohej një dozë e parë e një vaksine Covid-19 deri të hënën 23 gusht, para rihapjes së shkollave.
MHRA tha se i takonte Komitetit të Përbashkët për Vaksinimin dhe Imunizimin (JCVI) të këshillonte qeverinë nëse fëmijëve të grupmoshës 12-17 vjeç duhet t'u jepet vaksina Moderna.
Duke dhënë miratimin për përdorim në Angli, Skoci dhe Uells, MHRA tha se vaksina e njohur edhe si vaksina Spikevax ishte "e sigurt dhe efektive në këtë grupmoshë". Moderna tashmë është e autorizuar për përdorim tek fëmijët e moshës 12 deri në 17 vjeç në Irlandën Veriore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
