Policia e Elbasani ka arrestuar 2 persona A. D., 51 vjeç dhe S. D., 56 vjeç dhe ka shpallur në kërkim 40-vjeçarin E. M., pasi dyshohet se kanë kultivuar në një pronë publike në Seltë 80 bimë kanabis sativa që u asgjësuan nga autoritetet. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme. Njoftimi i policisë: Elbasan/Finalizohet faza e dytë e operacionit policor antikanabis të koduar "Krasta". Identifikohen 3 autorë të kultivimit në fshatin Seltë, të 80 bimëve të tjera narkotike cannabis sativa, të cilat u asgjësuan nëpërmjet djegies. Kapen dhe arrestohen 2 prej tyre, vijon puna për kapjen e shtetasit tjetër. Në vijim të kontrolleve antikanabis, në të gjithë territorin e fshatit Seltë, njësia administrative Zavalinë, shërbimet e Komisariatit të Policisë Elbasan kanë gjetur të kultivuara në një pronë publike, 80 bimë të tjera të dyshuara narkotike cannabis sativa, të cilat pas kryerjes së veprimeve procedurale, u asgjësuan nëpërmjet djegies. Si rezultat i veprimeve të shpejta hetimore, u identifikuan 3 autorë të dyshuar të këtyre rasteve të kultivimit, konkretisht shtetasit A. D., 51 vjeç dhe S. D., 56 vjeç, të dy banues në fshatin Seltë, Elbasan, të cilët u kapën dhe u vunë në pranga, si dhe shtetasi E. M., 40 vjeç, banues në Krujë, i cili u shpall në kërkim. Vijon puna për kapjen e 40-vjeçarit. Si rezultat i fazës së parë të operacionit “Krasta”, u asgjësuan nga territori i fshatit Seltë, 160 bimë narkotike cannabis sativa. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
