Youtube njoftoi këtë të premte se do t'i japë fund pezullimit të Donald Trump, dy vjet pas përjashtimit të ish-presidentit amerikan pas sulmit në Capitol Hill.
“Që nga sot, kanali i Donald J. Trump nuk është më subjekt i kufizimeve ”, tha gjiganti amerikan në Twitter.
Trump, ishte përjashtuar nga rrjeti social në janar të vitit 2021, kur ishte ende në pushtet, pasi kishte inkurajuar mbështetësit e tij gjatë sulmit ndaj Kongresit në Uashington.
Ky vendim i paprecedentë u imitua në atë kohë nga shumica e rrjeteve sociale kryesore, duke përfshirë Twitter, Facebook dhe Instagram.
Për të justifikuar vendimin e tij, YouTube tha të premten se kishte vlerësuar " rrezikun e dhunës".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
