Martin Shkreli përdor telefonin kontrabandë për të drejtuar kompaninë farmaceutike nga burgu

Martin Shkreli po vazhdon të drejtojë kompaninë e tij farmaceutike nga burgu, nëpërmjet një celulari që është futur kontrabandë në qelinë e tij.

Kështu publikon CNN për ish-shefin ekzekutiv të një kompanie barnash mjekësore që zuri titujt e parë të medieve ndërkombëtare për rritjen e çmimit të një ilaçi, përpara se të shpallej fajtor për mashtrimin e investitorëve.

Shkreli rriti çmimin e Daraprimit që përdorej nga pacientët me AIDS nga 13,5 dollarë në 750 dollarë. Kjo gjë e bëri që shqiptari të kthehej në njeriun më të urryer në botë.

Shkreli po drejton nga burgu Phoenixus AG, që më parë njihej si Turing Pharmaceuticals dhe beson se kjo kompani do të bëhet edhe më e suksesshme gjatë kohës që ai është në burg.

Ai mendon se kompania ku ai zotëron 40% të aksioneve, do të vlejë 3,7 miliardë dollarë kur të dalë nga burgu.

Në telefonatën më të fundit që ka bërë, mësohet se Shkreli ka shkarkuar CEO-n, Kevin Mulleady. Më pas, ka ndërruar mendje dhe thjesht e pezulloi.

Sipas një raporti nga Wall Street Journal, Shkreli, i cili po vuan dënimin në një burg të Fort Dix, NJ, ka qasje të rregullt në një telefon celular, të cilin ai përdor për të lexuar rreth zhvillimeve në hulumtimet farmaceutike dhe për të komunikuar me punonjësit e kompanisë.

Sipas një raporti thuhet se ai ka shkarkuar një ish-ekzekutiv derisa ishte në burg.

Sipas Wall Street Journal, Shkreli duket se është e interesuar të hidhet nga shitja e barnave me çmime të ulta për të investuar më shumë në kërkimin dhe zhvillimin për prodhime të rralla farmaceutike, një strategji ai planifikon të ndjekë kur ai është liruar nga burgu.