Gazetari Klodian Tomorri deklaroi në studion e MCN Live se foksui i buxhetit 2024 është financimi i rritjes së pagave ndërkohë që zërat e tjerë mbeten në të njëtat nivel.
Duke vijuar më tej me logjikën e tij, Tomorri tha se pensionistët nuk janë në fokus të qeverisë, ndërkohë që ka një financim në rritje të kontratave koncensionare.
Sipas Tomorrit, 3 sektorët prioritarë, bujqësia, shëndetësia dhe arsimi janë të nënfinancuar.
Fokusi i këtij buxheti është financimi i rritjes së pagave. Rritja e programuar e të ardhurave është e njëjtë në masë me faturën e pritshme për rritjen e pagave. Zërat e tjerë mbeten në të njëjtat nivele. Duhen përmendur pensionet që mesa duket nuk janë në fokusin e buxhetit. Pensionistët marrin një indeksim në raport me shportën e mallrave, por s’kanë rritje reale.
Mbeten zërat problematikë , financimi në rritje i kontratave koncensionare. Thuajse çdo kontratë koncesionare që ka kaluar në filtrat e drejtësisë është shpallur me vendim gjykate aferë korruptive, ka ndodhur për inceneratorët, koncesionin e sterilizimit dhe pritet që të ndodhë e njëjta gjë me koncesionet e tjera që janë kallëzuar.
Në këtë pikëpamjet duket sikur ka zell për të financuar kontratat e koncesionit, për t’i financuar në rritje. Nuk vihet i njëjti theks për shpenzimet për qytetarët, si pensionet, subvencionet në bujqësi. Një sektor i nënfinancuar edhe pse zë 20% të peshës së prodhimit kombëtar merr mbrapsht vetëm 0.2%.
100 herë më pak se kontributi i tij.
Kemi dy sektorë të tjerë prioritarë që mbeten të nënfinancuar si arsimi dhe shëndetësia, vërtitet rreth 3% dhe është nivel jashtëzakonisht i vogël. Ka vende në Evropë që shpenzojnë 15% për shëndetësinë dhe ka debate nëse po financohet në masën e duhur. Për arsimin ka rënie.
Kemi 3 sektorë të rëndësishëm të ekonomisë që nënfinancohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
