Aktori amerikan, Alec Baldwin, është nën akuzë për sulm ndaj një personi, pas një zënke që ka pasur për vendin e parkimit. Baldwin pritet të dalë para gjykatës më 26 nëntor. Ai dyshohet se ka goditur me grusht një burrë, pas një sherri që kanë pasur për parkimin.
Kjo nuk është hera e parë që aktori ka probleme të kësaj natyre me ligjin. Në vitin 2014, aktori u arrestua për sjellje të pahijshme.
Incidenti i fundit i përket të premtes dhe ka ndodhur në zonën e Uest Villixh, në Manhaten.
Sipas policisë, aktori pretendon se një burrë i ka zënë vendin ku ai parkonte makinën e tij “Cadillac Escalade”. Ata kanë pasur një sherr dhe personi tjetër është dërguar në spital me ankesa për dhimbje të nofullës. Por aktori mohon ta ketë goditur.
Baldwin kohët e fundit ka imituar presidentin Trump në Saturday Night Live. I pyetur në lidhje me këtë incident, kreu i Shtëpisë së Bardhë ka bërë vetëm një koment të shkurtër: I uroj fat!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
