Koreja e Veriut për herë të parë po përballet me përhapjen e Covid-19, ndërsa popullata është e pavaksinuar dhe pa akses për përdorim të ilaçeve.
Në fillim të vitit 2020, vendi mbylli kufijtë e tij në përpjekje për të izoluar veten nga pandemia.
Lideri i vendit tha se ka refuzuar mbështetjen e jashtme mjekësore.
Mediat shtetërore kanë rekomanduar trajtime të ndryshme tradicionale për të trajtuar Covid-19 të cilin ata e quajnë vetëm "ethe".
Për ata që nuk janë të sëmurë rëndë, gazeta e partisë në pushtet Rodong Simnun rekomandoi çaj xhenxhefili dhe një pije me gjethe shelgu.
Pijet e nxehta mund të qetësojnë disa simptoma të Covid-it, të tilla si dhimbje të fytit ose kollë, dhe të ndihmojnë në hidratimin kur pacientët humbasin më shumë lëngje se normalja.
Gjethja e xhenxhefilit dhe shelgut gjithashtu lehtësojnë inflamacionin dhe zvogëlojnë dhimbjen.Por ato nuk janë një trajtim për virusin.
Media shtetërore intervistoi së fundmi një çift që rekomandoi gargarën me ujë me kripë në mëngjes dhe në mbrëmje.
Një "mijë ton kripë" ishin dërguar në Phenian, njoftoi agjencia shtetërore e lajmeve.
Disa studime sugjerojnë që gargara dhe shpëlarja e hundës me ujë të kripur luftojnë viruset që shkaktojnë ftohjen e zakonshme. Por ka pak prova që ato ngadalësojnë përhapjen e Covid.
Larja e gojës mund të vrasë virusin në laborator, zbuloi një studim. Por nuk është treguar bindshëm se ndihmon te njerëzit.
Covid-i transmetohet duke thithur pika të vogla në ajër nëpërmjet hundës dhe gojës, kështu që gargara sulmon vetëm një pikë hyrjeje.
Dhe sapo virusi të ketë hyrë, ai përsëritet dhe përhapet thellë në organe, ku nuk mund të arrijë asnjë sasi e gargarës.
Televizioni shtetëror i ka këshilluar pacientët të përdorin ilaçe si ibuprofen, si dhe amoksicilinë dhe antibiotikë të tjerë.
Ibuprofeni (dhe paracetamoli) mund të ulin temperaturën dhe të lehtësojnë simptomat si dhimbje koke ose dhimbje të fytit. Por nuk do ta pastrojnë virusin ose parandalojnë atë.
Antibiotikët, të destinuara për infeksione bakteriale dhe jo për viruse, nuk rekomandohen.
Sistemi shëndetësor i Koresë së Veriut është krijuar për të ofruar kujdes mjekësor falas nga shërbimet bazë në nivel fshati deri tek trajtimi i specializuar në spitalet qeveritare (zakonisht në qendrat urbane).
Por ekonomia është tkurrur vitet e fundit për shkak të sanksioneve dhe motit ekstrem si thatësira.
Mbyllja e kufijve të vendit dhe masat e rrepta të bllokimit do të kenë gjithashtu një ndikim të dëmshëm.
Koreja e Veriut refuzoi tre milionë doza të prodhuara nga Kina, vitin e kaluar - dhe thuhet se refuzoi ofertat e tjera - sipas Covax, skema globale e ndarjes së vaksinave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
