Sulejman Starova, në rolin e specialistit të futbollit, analizoi barazimin në ndeshjen mes Bylisit dhe Teutës.
Në emisionin “Skaner” në MCN TV, Starova tha se skuadra e Shkëmbit nuk shkoi në Ballsh për barazim, por rezultati në fund ishte i drejtë.
Gjithashtu, ai e cilësoi si të ekzagjeruar kartonin e kuq të dhënë për mbrojtësin e Teutës, Artan Jazxhi.
Nuk e shikoj moralin te pika, por te loja. Nuk mendoj se Teuta shkoi për 1 pikë në Ballsh, shkuan për të bërë lojën e vetë. Luajtën mirë dhe prandaj u krijua një përshtypje të mirë. Bylis një skuadër shumë e mirë dhe ndryshimi është që ballshiotët krijuan 2-3 raste më shumë.
Ai kartoni i Jazxhi mu duk i ekzagjeruar shumë. Kishte edhe nja dy raste të tjera. Të dyja skuadrat nuk e meritonin të humbnin dhe është rezultat i drejtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
