Kryeministri Edi Rama u pyet nëse ka lidhje largimi i Shkëlqim Canit si ministër Financash, me kontratën koncensionare të inceneratorëve, ku mohoi prerë.
Ai tha se një gjë e tillë ka qenë një rast abuzimi në media.
“Gjëja që unë kuptoj në gjithë këtë proces dhe që kam kuptuar nga ato segmente që kam mundur të ndjek komisionin, është se ju nuk e keni idenë se përse funksionon shteti. Mund të jetë dhe normale se nuk keni qenë kurrë në qeveri! Për të shuar kuriozitetin tuaj, ju them se në procesin e vendimmarrjes në qeverinë që unë drejtoj, ka gjithmonë një iniciues që është ministria e linjës dhe ministri të tjera që mund të kenë ndërthurje dhe ministria e Financave. Sa herë ministria e Financave ka dhënë mendime negative për projekte dhe sa herë janë kthyer, atëherë unë duhet të kisha hequr jo vetëm Shkëlqim Canin, Arben Ahmetaj dhe Anila Denaj, duhet të kisha hequr nga 70 ministra. Nuk funksionon kështu”, deklaroi kreu i qeverisë.
Në vijim tha se Ministria e Financave bën detyrën, pasi ka një skuadër e cila dëgjohet dhe respektohet.
Sipas tij, nuk ka pasur organizatë të strukturuar pasi po të kishte organizatë të strukturuar do t’i thuhej Shkëlqim Canit që ta bënte me një këmbë.
Inceneratorët, Rama: Jam krenar! Nga buxheti i shtetit, nuk u financua impianti i Tiranës
Rama: I qëndroj vendimit të qeverisë! Pushteti është i keq shumë, tundon të madh e të vogël
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
