Lufta në Lindjen e Mesme ka çuar në rritjen e ndjeshme të çmimit të karburanteve në vend duke sjellë vështirësi për Shoqatën e Transportit. Dashnor Mema, nga Shoqata Kombëtare e Transportit, tha në studion e MCN Informacion se impakti që ka ky ndryshim te transporti publik e bën të domosdoshme mbështetjen e shtetit për këtë sektor. Mema paralajmëroi reduktimin e flotës së mjeteve me 30% nga e hëna e javës së ardhshme.
Transporti publik në Bashkinë e Tiranës konsumon 635 mijë litra karburant. Pra 400 mijë euro kosto e shtuar. Impakti është shumë i rëndë në strukturat e transportit publik.
Shqipëria paguan 53% taksa mbi karburantin. Për transportin publik, taksa e qarkullimit duhet të jetë zero. Është një taksë e padrejtë. TVSH është 20%. Vendet e tjera e kanë nga 0 në 12% për transportin publik.
Kërkojmë rimbursim. Nuk ka pasur reagim, ndaj duke nisur nga e hëna do të ketë 30% më pak autobusë në qarkullim. Është një rritje e drejtpërdrejtë. Jo vetëm e karburantit por edhe e pjesëve të këmbimit.
Bordi i Transparencës nuk ka asnjë efekt te transporti publik. Ne na janë rritur kostot dhe ky bord vepron vetëm në momentin që kalohet në 220 lekë për litër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
