Shumë poshtë valëve që rrethojnë Maldivet, ka një ylber të gjallë në "zonën e muzgut" të oqeanit.
Peshku, i cili mban emrin shkencor Cirrhilabrus finifenmaa, u gjet duke jetuar në thellësi që variojnë nga 40 deri në 70 metra nën sipërfaqen e oqeanit.
Emri nderon nuancat mahnitëse rozë të peshkut, si dhe trëndafilin rozë, lulen kombëtare të Maldiveve. "Finifenmaa" do të thotë "trëndafil" në gjuhën lokale Dhivehi.
Ndërsa qindra lloje lulëzojnë në ujërat pranë dhe përreth kombit të arkipelagut, ky është peshku i parë që përshkruhet nga një shkencëtar maldivian, Ahmed Najeeb.
"Kanë qenë gjithmonë shkencëtarë të huaj ata që kanë përshkruar speciet e gjetura në Maldive pa shumë përfshirje nga shkencëtarët vendas, madje edhe ato që janë endemike të Maldiveve. Këtë herë është ndryshe dhe të bëhesh pjesë e diçkaje për herë të parë ka qenë vërtet emocionuese", tha në një deklaratë bashkautori i studimit Najeeb, një biolog në Institutin e Kërkimeve Detare të Maldiveve.
Zbulimi se finifenmaa dhe rubrisquamis ishin dy lloje të veçanta mund t'i ndihmojë shkencëtarët të kuptojnë gamën e këtyre peshqve, gjë që bëhet veçanërisht e rëndësishme kur përpiqen t'i mbrojnë ata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
