Ushqimi natën vonë ju bën më të uritur dhe rrit rrezikun e obezitetit

Tani është konfirmuar: të konsumosh ushqim në mesnatë ju bënë më të uritur.

Një studim i ri nga hetuesit e Shkollës Mjekësore të Harvardit në Brigham and Women's Hospital në Boston, Massachusetts, SHBA, ka zbuluar se ngrënia vonë gjatë natës rrit urinë, redukton djegien e kalorive dhe është në të vërtetë në gjendje të ndryshojë metabolizmin e të rriturve që janë mbipeshë ose obezë, duke rritur yndyrën e trupit tonë.

Rreth 42 për qind e të rriturve në SHBA konsiderohen të jenë obezë dhe, si rezultat, të rrezikuar nga sëmundje kronike si diabeti, kanceri dhe kushte të tjera.

Është gjithashtu një problem në rritje në Evropë, ku 59 për qind e të rriturve janë mbipeshë ose obezë, duke përfshirë 8 për qind të fëmijëve nën pesë vjeç, sipas Organizatës Botërore të Shëndetësisë.

Në një raport të publikuar në maj të këtij viti, OBSH zbuloi se mbipesha po shkakton 200,000 raste kanceri dhe 1.2 milionë vdekje çdo vit vetëm në Evropë.

Në mbarë botën, rreth 650 milionë të rritur vlerësohet të jenë obezë.

Si lidhet ngrënia vonë me një rrezik të shtuar të obezitetit?

Ka shumë dieta që rekomandojnë agjërimin pas orës 18 ose 19, por deri më tani efektet e të ngrënit vonë në mbrëmje nuk ishin konfirmuar. Në thelb, ne e dinim se një ushqim në mesnatë ishte e keqe, por nuk e dinim saktësisht pse.

Tani, falë shkencëtarëve në Boston, ne kemi një pamje shumë më të qartë se si ngrënia e vonë e ushqimit ndikon në oreksin tonë, shpenzimin tonë të energjisë dhe indin tonë yndyror.

Shkencëtarët studiuan 16 pacientë të konsideruar në mbipeshë ose obezë dhe i kërkuan secilit prej tyre të ndiqnin dy protokolle: njërin ku mund të kishin planifikuar vetëm ushqimet e hershme dhe një tjetër ku kishin të njëjtat vakte, por katër orë më vonë.

Doli se ushqimi i konsumuar katër orë në vonë mund të bënin një ndryshim të madh: në 24 orët pas ngrënies së tyre vonë natën, pacientët paraqitën nivele më të ulëta të leptinës, hormonit që frenon oreksin tonë duke na thënë se jemi të ngopur. Ata gjithashtu digjnin kalori me një ritëm më të ngadaltë dhe yndyra e trupit të tyre dukej se ishte e prirur të rritej.

Detajet e studimit u publikuan në revistën Cell Metabolism.

Mënyra se si shkencëtarët i bënë këto gjetje nuk është për ata me zemër të dobët: përveçse u treguan studiuesve për nivelin e oreksit të tyre, pacientët dhanë mostra të vogla gjaku gjatë gjithë ditës, u matën temperaturat e trupit dhe shpenzimet e energjisë dhe disa madje iu bënë biopsi indin dhjamor të tyre.